Fiske
Med sin flotte og mangfaldige natur har Samnanger mange mogelegheiter for dei som er interesserte i fiske.

Rundt omkring fjorden er det mange fine fiskeplassar for sjøfiske og har du båt kan du fiska på djupner på meir enn 100m. Det er og mange fine ferskvatn i kommunen vår. Nokre av dei har enkel tilkomst og fritt fiske (eks. Frøylandsvatnet).

I meir høgtliggjande strøk har Kvittingsområdet mange fine fjellvatn med bra fisk. Fiskekort kan kjøpast på ein automat ved parkeringsplassen i Kvittingen.
Sist men ikkje minst har vi Tysseelva der ein kan fiska laks og sjøaure. Sone I dvs. steinkaien i elveosen v/SAFA er nok ein av dei beste fiskeplassane i Hordaland i så måte.

Aktivitetar/dugnadsarbeid
På fiskesida har vi alltid fleire aktivitetar som er meir eller mindre faste kvart år. I tillegg er det sjølvsagt andre aktivitetar som er meir knytte til ulike prosjekt vi kan ha for oss.

Av faste aktivitetar kan nemnast: Sjekk av kontrollkulpen i laksetrappa i oppgangssesongen, fangst av stamfisk, stryking og innlegging av rogn samt tilsyn og drift av klekkjeriet.
Dei siste åra har også fiskenemda arrangert fiskekonkurranse ved fjorden for store og små.

Anna meir prosjektbasert arbeid kan vera, sjøaureprosjektet, kvittingsprosjektet vedlikehald av klekkjeriet, kultiveringsarbeid osv.

Eit er iallfall sikkert, det er alltid noko å hengja fingrane i for oss som er interesserte i fisk og fiskerelatert arbeid.